الجمعة، 4 مارس 2011

بحلم ببكرا

بحلم ببكرا يكون جميل الشمس تشرق تنور الكون بسطوعها ونورها
بحلم ببكرا يكون فى نقاء بقلوب البشر لا نفاق ولا كدب ولا رياء
بحلم ببكرا يكون فى شئ من زمان زمان اللى كان فيه الدفئ والأمن
بحلم الاقى الناس الطيبين وقلوب بتحب وبياض ملوش مثيل مش مليانه بالسواد
بحلم الاقى الناس اللى بتحبك لذاتك لله مش لمصلحه او عشان تغدر بيك فى يوم
بحلم بلمه على الفطور فى الصيام بين الصحبه والأهل والجيران زى زمان
بحلم بضحكه من القلب تخرج وتضوى الدنيا بصوتها فى كل مكان
بحلم ببكرا القمر يرجع ينور ليالينا ونرجع لو يوم زى زمان فى حب واخلاص وأمان
بحلم بالعيله والأهل وصله الرحم اللى اتقطعت بسبب الغلا و الفلوس والكره وجفا العيال
بحلم نعيش فى سعاده وأمن واستقرار ومحبه مفقوده تاهت منا فى الزحام
بحلم بمصر جديده وناس جديده وشعب طيب بيحب بلده ويخاف عليها
يارب يتحقق الحلم ويصبح حقيقه زى ما كانت أيامنا زمان
بقلمى

هناك تعليق واحد:

  1. وانا بحلم معاكي بكل ده ونفسي نحقق ولو حتي بعض من الاحلام دي ...هههههههههه اكيد الحياه مش هتبقي وردي بس علي الاقل نعرف نلاقي كل ده ولو للحظه من الحظات وكل ده مش هيتحقق إلا بالحب..حب الله ورسوله اولا وحب الوطن وحب الوالدين والاهل والناس والجيران...والتسامح والروح الطيبه والصدق والنية الصافيه دي بتاعته النبي عليه الصلاة والسلام والصحابه
    شوفي يامولا لو كل انسان عمل بسنة النبي وصفي قلبه وقرب من ربه والله هيبقي انسان كويس ومش هيعمل غير كل خير وثقي تمام الثقه اننا مش هنبقي كويسين من بره ومع الناس غير لما نبقي كويسين ونفوسنا كويسه من جوه وده مش هييجي الا بالرجوع للحق سبحانه وتعالي وبشئ من الايمان...واللي يرضي عليه ربه ياااااااااااه يبقي خلاص فاز...يارب اجعلنا من عبادك الصالحين واحفظنا من كل سوء وحبب فينا خلقك واصلح حالنا وحال المسلمين جميعا ووفقنا لما فيه الخير لنا ولاهلنا ولاولادنا ولمصرنا الغاليه.
    اشكرك وتسلم ايديكي

    ردحذف