الأربعاء، 17 أكتوبر، 2012

حلم بسيط


حلم بسيط...

وأنــا عشان حلمى بسيط ♥
بتمنى فعلاً إنسان يحبنى بجد♥
يجى يقولى بصراحة كدا أنــا عايز أرتبط بيكِ العمر كله♥
وياريت ما تقاطعنيش فى الكلام وسبينى أكمل كلامى...
وأنــا عشان عارف أنك هترفضى ارتباط فى الضلمه
أسمحيلى أروح أتقدم وأخطبك لو حاسه بقبول من ناحيتى
وصدقينى لو وفقتى هأكون أسعد إنسان فى الدنيا
وهحطك جوا قلبى واشيلك كمان فى عنيا ♥


4/12/2011
 أمـــل فـــراج

الثلاثاء، 16 أكتوبر، 2012

ثوريات

20/2/2011
الدنيا كلها مقلوبه وبلادى دايماً مغلوبه على أمرها ..!!

كنت حاسه أن الثوره فيها حاجه ناقصه مش واضحه ولا مفهومه
أن فيها فقره ضايعه ومش موجوده كنت بسأل نفسى..!!!
هو ممكن حسنى يتنحى كدا بسهوله غريبه مش معقوله..؟!!
قولت يمكن تكون ثورتنا مختلفه سهله سلسه بس بردو فيها حاجه ناقصه مش معلومه
كانوا فاكريين انهم بيحايلوا الشعب وبيهدوه وبعد ما يهدى يعملوا اللى هما عاوزينه
بس اللى مش عارفينه ان الشعب اوعى منهم ومن تفكيرهم وبيعدى بمزاجه وقال خلينها معاهم للنهايه يمك
ن يكونوا اتعدلوا وهيصدقوا فى كلامهم المره دى
لكن بردو طلع مفيش فايده لسه فاكرين الشعب مش بيفهم ولا واعى للاعيبهم
بس بجد انا كنت خايفه لان كنت حاسه ان الثوره لم تكتمل بعد
لكن دلوقتى مبسوطه جدا لان احنا هنكمل الثوره رغم كل المشاكل اللى بتواجهنا
وهنفضل نثور لغايه لما نحقق كل مطالبنا فى الحريه وننظف البلد من كل اعوان الظلم والفساد يـــارب:)))
21/2/2011
للأسف صحيح أطاحت الثوره بهرم النظام
وافتكرنا أن كدا نجحت الثوره وقضينا على النظام بكامله
لكن أتــارى قاعده الهرم ثابته ولسه متزحزحتش من مكانها
يـــــــــــارب قدرنا نزحزح كل اعوان الظلم والفساد من مكانهم
الثوره لم تبدأ بعد ولم تكتمل
لسه الثوره اللى على حق هتبدأ....
22/11/2011
المشهد يتكرر مرة آخرى بحذافيره
ولكن بعد تسعة أشهر وكأن الزمان يعود بنا للوراء مرة آخرى
المشهد يتكرر الآن بأتقان وكأنهم كانوا يمهلون لذلك
ويدبرون لان تبدأ الثوره من أول وجديد بس الفرق الوحيد
أن الثوره الآن بين الشعب والعسكر
وكأنهم يردون الجميل لمعلمهم الذى تربوا على يديه

اكيد الكل عارف هو مين والحدق يفهم
الله أكـــبر على شعبك يــامصر
الله أكبر على كل ظالم بيهدم حقك فى الحريه
الله أكبر على كل خاين ومعين للفساد
الله أكبر على شهدائك وأبطالك اللى بيهتفوا وماتوا فى سبيل حريتك
الله أكبر فوق كيد الفاسدين وأعوان الظلم والنظام الفساد
23/11/2011
  
مصر حزينه على اولادك يا بلد  اللى بيقتلوا فى بعض
 24/11/2011
قلبى موجوع عليكِ يا بلد
ومن كتر وجعى وقف عقلى عن التفكير
وتاهت كلماتى وسط حزنى عليكِ
فلم اقوى على التعبير فضاعت منى عباراتى
يــــــارب حــريـه وعـدل تضئ سماء مـصــــــر


 أمـــل فـــراج
 

القمر والكتابة



الكتابة تحلى لما تجلس تحت ضوء القمر
وتسرح بخيالك فى السماء الصافيه وايا النجوم
تلاقى نفسك بتكتب بفرحه كبيرة  وراحة بال 
و فكرك ياخدك لدنيا تانية وخيال ملهوش حدود
فما أحلى الكتابة على ضوء القمر:)))

12/11/2011
أمـــل فــراج

دعاء من القلب



أسال الله أن يجعل قلوبنا سليمه منيبه مخبته
وجله تقيه نقيه هادئه مطمئنه برحمته جل علاه
وان يبعد عنا الكبر والغل والحقد والكره
وان لا يجعل قلوبنا بها مرض قاسيه غافله
زائغه مريبه آثمه عمياء
قولوا آآآآآمـــيـــن

21/4/2012
أمــــل فـــراج

بعشق المطره وهى بتلمسنى


بعشق المطره وهى بتلمسنى
من ذنوب نفسى بتغسلنى
أحساس جميل وراحه متتوصفشى
طايره من الفرح وانا رافعه راسى فى السماء وبدعى
اصل ابواب السماء بتكون مفتوحة
وربنا وعدنى ان الدعوة مش مردوده
يارب احمينى ومن شر نفسى ناجينى وحقق ليا
أمانى مازالت عايشه جوا القلب مدفونه

30/1/2012
أمــــل فــــراج

الجمعة، 7 سبتمبر، 2012

يقينى بالله يقينى ^^



وهناك شئ جميل ومفرح فى أنتظارى
أنى على يقين بكرم ورحمة الله لى ^^♥

أمـــل فـــراج

مين قال أنى مش بحب الرومانسية ^^



مين قال أنــى مش رومانسيه ومش بحبها
بس كل الحكاية أن مستنيه حد يراعى ربنا فيا
وهأكون من نصيبه قدام كل الناس مش فى الخفى

أمـــل فـــراج

قلبى متعلق



شئ عجيب مش عارفه أوصف اللى أنــا حاسه بيه
بس قلبى بقى متعلق بشئ معرفش هيوصله لحد فين ...!

أمــــل فـــــراج

الخميس، 6 سبتمبر، 2012

هل سيأتى؟!!





أشعر أنني أعيش لأجله
سأرويه بحبي وطيبة قلبي
سأتحدى كل الصعاب ..
سأتحدى كل من حولي
سأنتظره حــتى آخـــر
لــحـظـة فى عــمـــرى
فــهــــل ســـيأتـــى ؟!!
"ألبوم كلمات من وحى الخيال "
23/1/2012
أمـــل فـــراج

الاثنين، 3 سبتمبر، 2012

يوميات بنوتة عاقله بجنون مع حلمها المنتظر



>> يوميات بنوتة عاقلة بجنون مع حلمها المنتظر <<

════════════════
~ بقلمي أمـــــــل فـــــراج ~
════════════════

نبدأ بقى نسرد عليكم
الجزء الأول من اليومية الأولى
بسم الله

طبعاً كالعادة موال كل يوم الصبح

~ (>_<) ~
الوالد : أنتِ يا بت يا أمل قومى عشان الساعه بقت 10
كل دا نوم قومى جهزى الفطار عمرك متصحى لوحدك ابداً

~ (^_^) ~
أمــل : حاضر يابابا ادينى هقوم اهو هى ماما رحت الشغل طبعا

~ (→_→) ~
الوالد : ايواا ما انتِ عمرك ما تريحيها وتصحى معاها بدرى وتجهزى ليها الفطار يابنتى حرام عليكِ صحتك
كل يوم سهر واصحيكِ بالعافيه الساعه 10
قومى بدرى احسن ليكِ ولصحتك وبعدين موريكيش حاجه قومى ذاكرى فى الصبح والدنيا صافيه وهاديه

~ (◕‿◕) ~
أمــل : حاضر يا سيد الكل ممكن تريح نفسك أنت بس
وبعدين مذاكره ايه دلوقتى أحنا خدنا الاجازة بتاع نص السنه
يادى الغلب انت نسيت يابابا ياحبيبى
ما حضرتك واخد اجازة اهو معايا بتاع نص السنه
( الوالد مدرس ومربى اجيال فاضل من الجيل الطيب بتاع زمان )

~ (☼_☼) ~
وأنا بتكلم بصوت منخفض وبقول
" وبعدين اعمل ايه فى حلمى هو اللى خلانى أسهر "

~ (O_o) ?! ~
الوالد : بتقولى ايه يابت حلمى مين ؟!
>> وطبعا شكل الوالد اتغير على الاخر <<

~ (^_^) ~ : D
أمـــل : لا لا ابداً انت فهمتنى غلط يا بابا
أنا أقصد حلمى الحلم اللى بحلم بيه
وضحكه فيها بيبلع ريقه عالصبح بالعافيه

(→_→)
الوالد : طيب ياختى قال حلم قال
تلاقيه حلم خايب زيك

نروح نجهز الفطور بعد الكلام اللى بيسد النفس دايماً

~ (ಠ_ಠ) ~ أمل بينها وبين نفسها
أمل : عاجبك كدا يا حلمى أخرت على الأخر
بس فى الاول صباح الخير يا حلمى السعيد والمنتظر
اشكيلك بقى شويه

يرضيك كدا مفيش حد فاهمنى خالص فى البيت دا
دا حتى امبارح وأنا بكلمك بالليل ماما افتكرتنى أنى اتجننت وانا بكلمك

والله شكلى هتجنن بجد ولا ايه بس اكيد أنت حاسس بيا وحاسس بمشاعرى وبتكلمنى زى ما بكلمك ياترى بتقولى ايه دلوقتى اكيد بتقولى معلش استحملى وحقك عليا أنا

❀الحلم المنتظر هو حلمى وزوج المستقبل حبيبى❀

~ ¯\(°_o)/¯ ~ الوالد بصوت طبعاً يخض وعالى
الوالد : أنتِ با بنتى كل دا بتجهزى الفطار

~ (-_-) ~
أمـــل: طيب سلام بقى يا حلمى دلوقتى
ايموشن خايف انه هيضرب لانه لسه ماجهز الفطار
حاضر يابابا ثوانى اهوا

إلى اللقاء
مع الجزء التانى من اليومية الأولى


حقوق النشر محفوظه لكل من

بعثرة كــلـمــات مــن الـقـلـب

وتصميم البارع 
 

 بتاريخ 27/1/2012

أمـــل فـــراج

الأحد، 2 سبتمبر، 2012

ترحيب كبير بنفسى يا رداله ^^

ازيكم ازيكم ^^

طبعاً بعد الغياب الطويل عن مدونتى الغاليه
أحب أرحب بنفسى :)))

يا ويلكم يا ويلكم يا مرحبتين نورتى المدونه من تانى يا كبيرة ^^

وحشتينى جداً يامدونتى ووحشنى التدوين عليكِ

معلش بقى حبة جنان بعد طول غياب

وشويه فرفشه على هيصه وزيطه وزاططه وفرحه كبيرة بعودتى ^^

وسلاااااااااااااام مربع لأموله اللى راجعه مليانه بإبتسامة أمل :)))

 تيرام تيرام تيراااااااراررررا ^^

معلش تقريبا لسعت حبيتين هههههههههههه

مفيش حد بقى هيرحب بيا أكده ولا ايه ^^

أمـل فــراج
بعد غياب


الثلاثاء، 29 نوفمبر، 2011

متعلقه بحلم طاير

متعلقه بحلم طاير فى الهوا....
مش قادره أطير بيه فوق فى السماء
ولا قادره أقف بيه على الأرض
متعلقه بحلم طاير صعب بس مش مستحيل
مادام لسه جوايا الأمل
ومش خايفه مادام بحاول أحققه
ومادام لسه فيا نفس لازم احلم
حتى ولو كان حلم طاير
هأفضل وراه لغايه لما احققه


17/11/2011
أمــل فـــراج

الاثنين، 28 نوفمبر، 2011

نفسى أصـــرخ وأسالهم...

نفسى أصرخ واسألهم ايه خلاكم تظهروا تانى فى حياتى..!
ليه خلتونى أضعف وأفرح أول ماشفتكم تانى راجعين
وأفتكرت أن أخيراً حسيتوا بيا بعد ما اتألمت فى بعادكم أيام وسنين
ليه رجعتوا مادام هتغيبوا تانى وتبعدوا
أنا كنت اتعودت خلاص على غيابكم
ليه تعلقونى بالأمل وفجأة تخذلوا قلبى تانى وتكسروه
نفسى اصرخ واسألهم ايه خلاكم تظهروا تانى فى حياتى...؟!

17/11/2011
أمــل فــراج

وبشر الصابرين

عندما استمع لقوله سبحانه جل علاه
"إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ" الزمر 10
" فَاصْبِرْ إِنَّ الْعَاقِبَةَ لِلْمُتَّقِينَ" هود 49،
" واصبروا إن الله مع الصابرين". الأنفال 46
"سلام عليكم بما صبرتم فنعم عقبى الدار" [الرعد/ 24].
اشعر بطمأنينه تجتاح قلبى وتشعرنى بإن مع العسر يسرا
كما قال رب العزه فى كتابه الكريم أن مع العسر يسرا
وأمــــــلى فى الله كبير أن يحقق ما أتمناه
يـــــــــــــــــــارب


8/11/2011
أمــل فـــراج

الخميس، 24 نوفمبر، 2011

فيه إيه...؟!!

لكل حكام العرب عامتاً
وللمسئولين عن السلطه
داخل مصر خصوصاً
عايزه أعرف ومن حقى اسألكم
فيه إيـــــــــــــــــه الكرسى.؟!!
يخليكم تتمسكوا بيه
وتخسروا نفسكم وبلدكم
فيه إيــــــــــــــــــــه الكرسى ..؟!!
يخليكم تحاربوا أبناء وطنكم
وتلطخوا ايدكم بدمائهم
فيه إيــــــــــــــــــــه الكرسى ..؟!!
يخليكم عشانه تخسروا الدنيا والأخره
فيه إيــــــــــــــــــــه الكرسى ..؟!!
يخليكم تنسوا ربكم وتخسروا دينكم
حد يجاوبنى فيــــه إيـــــــــــــــه الكرسى..؟!!
عشان تعملوا كل دا علشانه
لان بجد مبقتش لاقيه لسؤالى إجابه


24/11/2011
أمــل فــراج


كفاية بقى

كفاية بقى تقولوا أن اللى
فى ميدان التحرير بلطجيه
البلطجه فيكم ومنكم أنتم
كفاية بقى تقولوا أن اللى
فى الميدان عملاء وخونه
الخيانه فيكم ومنكم أنتم
كفاية بقى تقولوا كلام فذلكه
وحجج وبراهين مفبركه
الكلام هو زى ماهو نمطى
ومفهوش حاجه جديده
عرفنا ان الشعب كله
عُمله وخونه وبلطجه
كل اللى فى الميادين كدا
مادام بيطالبوا بحرية بلدهم
كفاية بقى تخوفوا الشعب
بالاقتصاد اللى بينهار
وبالامان والامن اللى غاب
الشعب خلاص ماعادتش بيخاف
وبقول لكم بصوت عالى
ياللى فاكرين الشعب المصرى مش بيفهم وعبيط
كفاية بقى الاعيب ومماطله وحجج على الفاضى
كفاية بقى فذلكه
وحوارات شبعنا منها
23/11/2011
أمــل فــراج
 
 

كلمات فى حب مصر

ياللى حبك سر غامض مالوش تفسير
ياللى حبك أغلى من أرواحنا وعيونا وشبابنا وأطفالنا
ياللى من أجل حبك تترمى جثثنا فى الزباله ويضيع بصرنا
ياللى اتهانا عشانك كتير حبك بيرجى فى عروقنا
ومهما قالوا علينا بلطجيه او مندسين وضربونا بالقنابل
هندافع عنك بعيونا وبحياتنا لان ببساطه
بـنـحـبــــــــــك يـــــــــــا مــصــــــــــــــــر

23/11/2011
أمــل فــراج
 

الجمعة، 19 أغسطس، 2011

الكتابة

الكتابة دى شئ جميل
بتعبر عن كل أوجاعنا وأحلامنا
ممكن تكون موهبه وممكن تكون مكتسبه
رسالة سامية من خلالها نقدر نوصل 
معلومة أو نصيحة أو حتى فكرة
أو تكون منفذ نعبر بيه عن أحلام غيرنا
مش شرط نكتب عن تجربة عشناها
ممكن نكتب عن الواقع اللى بنشوفه وبنحسه 
أوتجارب ناس قريبين مننا شاركناهم
أفراحهم وأحزانهم ومشاعرهم

همسه
الكتابة
"هى أحساس وشعور بالآخرين قبل الأحساس بأنفسنا"




السبت، 9 يوليو، 2011

الأمــل

الأمـــل هو ذاك الشعاع
الذى ينير لنا درب الحياة
لكى يعطينا القوة
فى تحقيق الحلم 
وتخطى الصعاب
فبدون الأمــل
تصبح حياتنا خاوية
بدون طموح
بدون حلم 
بدون نور
يتخللها اليأس 
ويتملك منها الظلام
فما أجمل أن تجعل الأمــل
ينير حياتك ويلونها
وأجعل أمـــلك فى الله دوماً
فهو نعم المولى ونعم النصير

الـحــب

الحب هو غريزه  فطرية وضعها الله فى قلوبنا لحكمه يعلمها وحده سبحانه
لكى نشعر بلذة الحياة ونستمتع بها فلولا الحب بين البشر لأصبحت الحياة...
"غابة مليئه بالظنون وفريسه للأحقاد"

همسه
الحب هو مودة ورحمة فلم أجد أعمق ولا أشمل من قول الله تعالى فى كتابه الكريم 
 ( وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ) (الروم : 21 ) 
صدق الله العظيم 
فهذا هو المعنى الحقيقى للحب هو مودة ورحمة

 



الخميس، 28 أبريل، 2011

لماذا أيئس؟!!

عندما ينتابنى شعور باليأس 
أن كل ما أحلم به 
هو مجرد أحلام
لم تتحقق 
وستظل أحلام.... 
سرعان أنفض 
ذاك الغبار
الذى أسمه 
"اليأس"
من رأسى 
حتى لا يتملكنى....
وأذكر أن هناك ....
الــلـــه مــعى
فلماذا أيئس ؟!!











الثلاثاء، 26 أبريل، 2011

عـنــدى أمـــل

عندى أمــل أن بكرا يبقى أجمل من اللى كان
عندى أمــل فى التغير يصبح حقيقه مش مجرد كلام
أمــل فى شبابك وشعبك يامصر اللى حررك من الظلم والاستعباد
ونقول دايماً بصوت عالى "لأ " لكل الوان الفساد
 ونبطل نسكت تانى ونخلى صوتنا مسموع مادام على حق
أمــل فى أن التغير مش بس نظام  لكن معاملات وأخلاقيات
ولو معنديش الأمــل يبقى هأفضل سلبيه وواقفه فى مكانى
لو معنديش أمــل مش هغير حاجه ولا هاتغير
ويبقى العيب مش فيكى يا مصر
يبقى العيب فى أولادك لو محافظوش على التغير واتغيروا بجد
وهيفضل عندى أمـــل أن نتغير من جوانا مش  مجرد تغير نظام تغير بجد
هنفضل نحبك يا مـصـر لانك يا بلادى جوانا أغــلى وأجمــل الأوطان






الثلاثاء، 15 مارس، 2011

كلمات من القلب

_ إياك نفسك تغويك ولطريق الشر توديك أعصمها وقولها أتلمى يا نفسى ربنا شايفك

_ أوعى يأسك فى يوم يتحكم فيك ويخليك تفضل واقف فى مكانك وتقعد جنب الحيط ..ما هو يأسك دا ممكن تحاربه  بالصبر والعزيمه والأصرار والإيمان واتأكد أنك هتتغلب عليه طول ما أملك وظنك فى الله خير

_ بعض الأحاسيس لا يمكن أن توصف بالكلمات أو تكتب بين السطور لكن تحتاج الآخرين يشعرون بها دون أن تتكلم إذا كانوا بالفعل يملكون هذا الشعور والأحساس بك

_غباء أن يعتقد البعض بإنك طيب لدرجة السذاجه وأنهم بمجرد بعض الكلمات وتذكيرك بالماضى والوعود التى كانت بينكم تعود إليهم بعد إن رحلوا واقفلوا فى وجهك كل أبواب الأمل

_أحساس لا يوجد له وصف عندما يختلط الكذب بالصدق والحقيقه بالباطل والندم بالذنب


_الصمت هو الشئ الوحيد الذى يجعلك تحاسب وتراجع وتدقق فى كل أمور نفسك بتمعن

_الصمت قد يكون حزناً قد يكون فرحاً قد يكون حباً  قد يكون كرهاً فدائماً الصمت يعبر أكثر من الكلام فى كل ما نمر به فى حياتنا


_الصمت فن لا يتقنه الإ البارعون ولا يتذوقه الإ المبدعون ولا يفهمه الإ الأذكياء


الجمعة، 11 مارس، 2011

كلمات من القلب

_ الحب يأتى بغتتاً كالموت ..لا تعرف أين ومتى وكيف...؟؟؟


_ دائماً لا يستمع إحساس القلب لإحساس العقل وغالياً ما يكون إحساس القلب خاطئ




_متسمعش لكلام البشر وخليك دايماً على يقين بالله واستفتى قلبك وامشى زى ما يقولك ضميرك لانك لو سمعت كلام الناس هتتعب وهيجبلك صداع مزمن مش هتعرف تعالجه


_عندما تريد معرفة بعض الحقائق فقط أنتظر ولا تتحدث أنت أولاً ودع الآخرين يخبروك أولاً وأستمع لكل الآراء بتمعن فالصمت قد يجعلك تعرف جميع الحقائق التى غابت عنك ويجعلك أكثر درايه بما يدور حولك





_أدركت أن النت جزءً من الواقع وليس الواقع كله فلا تعش بمثاليه مطلقه على النت فالمثاليه موجوده فى الواقع وليس فى النت




_ما أجمل عندما تخطئ وتقصر أن تعترف بأخطائك وتحاول ان تصلح مسار نفسك فالإنسان ليس بكامل فالكمال لله وحده جل علاه


السبت، 5 مارس، 2011

كلمات من القلب

● كل من نقترب منه ليس بقريب 
فقد نكون بقربه لا يشعر بقربنا اليه 
وكل من يقتربوا الينا قد يكونوا بقربنا لا نشعر بهم 
فهكذا هى الحياة القريب منك بعيد 
والبعيد عنك قريب ولا نشعر بذلك


..................................................


● قلبى مش مطاوعنى مسألش عنهم وعن أحوالهم
ياترى هما كما بيفكروا يسألوا عنى
ولا أنا مش باجى على بالهم

..................................................

● أحساس قاتل أن تحب المرأة رجلاً أكثر من حبه لها
وتحاول دائماً القرب منه بشتى الطرق 
ولكن يقابل هذا الأحساس والشعور بالامبالاه وعدم التقدير


................................................

● لون حياتك بالأمل وأملاها بالتفائل وأجعله دوماً لونك المفضل

..................................................

بعض الأفكار قد تتشابه ولكن لكل فكرة مذاق مختلف باختلاف حالتها الخاصه الناتجه عنها
فلكل فكرة اكثر من زاويه واكثر من مضمون ولكن برؤيه مختلفه
 

كان طيف عابر فى حياتها

"بعدك على بالي يا قمر الحلوين
يا زهرة بتشرين يا دهبي الغالي"

أثناء مشاهدتها للتلفاز والتغيير المستمر لقنواته جاءت تلك الكلمات على مسماعها 
فثبتت على تلك القناة التى بها هذه الأغنيه التى لم تسمعها منذ زمن بعيد
هى كلمات أغنية فيروز التى جعلتها شردت بذهنها وهزت قلبها وذكرتها بحبها الساكن فى قلبها من زمن مضى حتى ارتعشت رعشه تشبه تلك الرعشه التى ارتعشتها عندما اهدائها حبيبها تلك الأغنيه أول مرة ليعبر عن حبه لها
فتذكرت طيفه وملامحه وابتساماته وكلماته التى كانت مليئه بالدفء والحنان
أحبته كثيراً شعرت بصدق مشاعره ووعوده 
فهى أول مره تتحدث لشاب بتلك السهوله 
ولا تعرف ابداً أن تتعامل مع الجنس الأخر من البشر
كانت أول مره تتحدث مع هذا الفتى الذى حاول أن يقترب منها مرات ومرات ويلفت انتباها كثيراً
ولكن فى كل مره كانت تحاول أن تعامله بأخوه شديده حتى لا يتعدى حدوده معها
فقط لا تريد أن يتعلق قلبها بشخص فى الخفى وتغضب ربها  
"فهى فتاة ملتزمه وتحلم بفتى أحلام يسمو بحبهما إلى شئ يرضى الله 
كانت تبلغ العشرين من عمرها أن ذاك فى السنه الأخيرة بالجامعه"
كانت تحاول دائماً تحافظ على مشاعرها ولا تبوح بها ولكن حبه ينبض فى قلبها
فهو أول رجل يدخل قلبها ويقتحم وحدتها أحبته كثيراً ووثقت به
وأحست أن بداخله نقاء والتزام من مجرد كلماته التى دائماً تتصف بطابع التدين
تكلمت معه كثيراً عرف عنها الكثير ولكن هى لم تعرف عنه إلا القليل
وفى يوم سألته هل كان يوجد أحد فى حياتك قبل أن تعرفنى..؟! 
سكت لحظه ثم  قال لها:كان ماضى لكن صدقينى أنتِ أملى فى الحياة
إبتسمت ابتسامه تدارى بها ما شعرت به....
فهى شعرت بإحساس غريب ملئ بالخوف قلبها يقول لها:
أنها بالنسبه لحبيبها مجرد مرحله يحاول ينسى بها حبيبته السابقه
وصراع بين إحساسها وقلبها وكلما تقرر أن تبعد تتراجع مره أخرى عن قرارها
لانها تعلقت به وأحست أنها فى بعاده ستعيش جسد بلا روح
ولا تستطيع أن يمر يوماً دون أن تسمع صوته وتتحدث إليه حتى يطمئن قلبها عليه 
وإذا مر يوماً دون أن تتطمئن عليه تشعر انها ينقصها شئ ويومها أصبح كئيب
فى يوم قرارا أن يتقابلا ويحددان أحلامهما سويا وكيف تتم الخطبه ويوافق أهلها عليه
قلبها كان يطيرٌ فرحاً وكان أول لقاء يجمعهما خارج أسوار الجامعه
ولكن دائماً كان إحساسها يخوفها أن هناك شئ ما  سوف يبعدها عنه 
تذكرت تلك اللحظه المريره وما شعرت به من ألم
مر أسبوع وهى تنتظر مكالمته وكلما كانت تحدثه يقول لها:
سامحينى عندى الكثير من الاشغال وإن شاء الله سوف نتقابل قريباً
لكن كان يخفى وراء تبريراته هذه ما يشعر به من احساس بداخله هو....
أنه سوف يظلمها وأنه مازال قلبه متعلق بحبيبته التى أحبها فى الماضى
جاء اليوم الذى سيتقابلان فيه لكن مازال احساسها بالخوف والحزن ان هناك شئ ما سوف يحدث وقلبها مصمم يكذب إحساسها
وجاء اليوم والموعد الذى سيتقابلان فيه ورتبت امورها لتذهب إلى المكان المحدد
وقبل أن تخرج من باب منزلها رن هاتفها أنه هو فردت عليه بفرحة عارمه اعتقاداً منها انه يستعجلها وانه ينتظرها فى المكان الذى سيتقابلان فيه من قبل ميعادهما بساعه والقت السلام
ورد عليها السلام  ثم قال لها: انا ترددت كثيراَ أن أقول لكِ :....
فقالت له : خيراً هل هناك شئ ما حدث لك طمنى لقد قلق قلبى 
فقال لها : لا لا ابداً أطمئنى ولكن لا داعى أن تأتى واتمنى أن تستمعى لكلامى للنهايه أتمنى أن تعذرينى أنا خائف عليكِ أن أظلمك وأنتِ إنسانه جميله وبداخلك نقاء لا استحقه وتستاهلى كل خير لكن ظروفى صعبه ولا أستطيع أنى أظلمك معى أكثر وأخاف أن أسبب لكِ فى جروحاً كثيرة
وصدقينى لو ربنا اراد يكون فيه نصيب نتقابل مرة آخرى
أتمنى تكون ظروفى أفضل ويكون فيه نصيب يجمع بيننا إن شاء الله
نزلت الصدمه عليها كانها زلزال أو بركان انفجر ودموعها على خدها مثل المطر
تحجر لسانها لا تعرف ماذا تقول أو بما تنطق  قالت له حاجات كثيرة لا تذكر شيئاً مما قالته سوى
"أنا كنت حاسه بجد أنك بتبعد لكن اللى بيحب بجد بيعمل المستحيل وأنت واضح كدا محبتنيش"
وأقفلت هاتفها وجرت مسرعه إلى غرفتها حزينه بقلبها حسره لم تكن تشعر بها من قبل 
وانغلقت على نفسها ومرضت من كثرة الحزن الذى يمزق قلبها الصغير
تذكرت تلك اللحظه المريره وكلماته ووعده أنها أمله ولن يفرط فى حبها مطلقاً كانت تحدث نفسها ياليته قال لى أنه لم يحبنى ولم يقل لى الظروف كنت سوف أنساه ولا أعيش على ذكراه وبعد شفائها ضعفت وحاولت كثيراُ تكلمه تفهمه انها بدونه لا شئ وانه هو الحياة وانها لا تريد العيش بدونه او تكون لشخص غيره وانها سوف تتحمل وتنتظره حتى يتقدم لخطبتها
ولكن هيهأت لا سماع  لمن تنادى لانه كان يرى أن هذا أفضل إليها وأن هذا خيرإليها  وإليه
ومرت الايام بل وسنوات وفتحت الحساب الخاص بها على الإنترنت فرآت إيضا حساب حبيبها إيضا مفتوح صدفه فرحت جداً ونست ما سببه لها من الألم والحسرة فهو مازال حبها وسرها الوحيد فأسرعت لكى تحدثه
فسلمت عليه وهو إيضا سلم عليها سألها: انتِ بخير..!! ردت وقالت: الحمدلله
وأنت كيف حالك ..!قال لها :انا الحمدلله بخير وسعيد انى بكلمك ولي الشرف...
سكتت لحظه وتذكرت ما قالته له فى آخر مره ومدى عصبيتها فخافت أن يكون كلامها قاسى وسبب له جرح
وكان الكلام مر عليه سنين لكن مازالت متذكره هى كل شئ
فقالت له:أتمنى تسامحنى لو بجد قولت شئ جرحك لم أكن أقصد كان خارج عن ارادتى لكن كان بداخلها كلاماً كثيراَ تاه منها ولم تكمله
قال لها: الحمدلله انكِ فتحتِ الحديث فى هذا الموضوع  
انا كنت أتمنى اراكِ حتى اقول لكِ أن تسامحينى 
وتصدقينى لو قولت لكِ أن حياتك بعيد عنى هى الخير ليكِ
وظنى فيا الخير انتِ لم تعرفى عنى إلا القليل
وحالتنا مروا بها الكثير من الناس وكل شئ قسمه ونصيب ولا أحد يعرف أين الخير
قالت له:لكن أنت قلبت حياتى
قال لها:وأنا كمان قلبت حياتى إنسانه كنت بحبها لكن لم تفكر مره واحده أن تتحدث لى  أوحتى تقول لى أسباب بعدها وتبين وجهه نظرها فى بعدها عنى
"عشان كدا أنا بكلمك دلوقتى عشان حاسس باللى انتى فيه وخايف تكونى زعلانه منى ومش مسمحانى"
قالت له:وهل تشعر أنك ظلمتنى؟؟أطمئن أنا نسيت وسامحتك لكن بداخلها كلام كثير لم تقدر على البوح به

"بس كل اللى قالته جواها من غير ماتقوله ليه :ياريتك بجد تعرف مدى حبى ليك وانك سرى الوحيد مكنتش فكرت تبعد ولاحتى تركتنى متعلقه بيك اعانى من بعدك
ياريتك بجد كنت فى وقتها تقولى انى مش بالنسبه ليك حب وانك مازلت متعلق بالماضى
كنت ممكن مزعلش ولا حتى افكر فيك واجيب اللوم على الظروف ولا كنت ادور على شبيه ليك بس انت عمرك ما هيكون فى حد يشبه اخلاقك ولا التزامك ولا هعرف اصدقه زى ما صدقتك ولو تعرف انى بتمنى اعاملك بس كاخ دلوقتى عشان اطمن عليك واشعر بالامان
لو وقعت فى مشكله الاقيك جنبى لان بقربك بشعر بالامان وبصدق كل كلامك وباخد بيه
و لكن ما زالت تشعر بأن قلبها ينبُض بِحبه
و تحاول أن تُخمد هذا النبض ولن يصح أبداً لأنه أصبح مستحيل !!
بس فضل جواها الكلام دا لانها مش قادره توصله إحساسها لانه أصبح مجرد ذكرى وفى الماضى ومش هينفع ترجع تانى اللى كان
وظلت هكذا تعامله كأخ إلى أن تقدر أو يشاء القدر أن تبعد وتنساه او تتناسه كل شئ وتعتبره طيف أو حلم جميل
فهو أصبح طيف عابر فى حياتها ولكن طيف كان بمثابه حب وأمل لقلبها وسيأظل ذكرى لا تمحى من ذاكرتها 
بقلمى




الجمعة، 4 مارس، 2011

بحلم ببكرا

بحلم ببكرا يكون جميل الشمس تشرق تنور الكون بسطوعها ونورها
بحلم ببكرا يكون فى نقاء بقلوب البشر لا نفاق ولا كدب ولا رياء
بحلم ببكرا يكون فى شئ من زمان زمان اللى كان فيه الدفئ والأمن
بحلم الاقى الناس الطيبين وقلوب بتحب وبياض ملوش مثيل مش مليانه بالسواد
بحلم الاقى الناس اللى بتحبك لذاتك لله مش لمصلحه او عشان تغدر بيك فى يوم
بحلم بلمه على الفطور فى الصيام بين الصحبه والأهل والجيران زى زمان
بحلم بضحكه من القلب تخرج وتضوى الدنيا بصوتها فى كل مكان
بحلم ببكرا القمر يرجع ينور ليالينا ونرجع لو يوم زى زمان فى حب واخلاص وأمان
بحلم بالعيله والأهل وصله الرحم اللى اتقطعت بسبب الغلا و الفلوس والكره وجفا العيال
بحلم نعيش فى سعاده وأمن واستقرار ومحبه مفقوده تاهت منا فى الزحام
بحلم بمصر جديده وناس جديده وشعب طيب بيحب بلده ويخاف عليها
يارب يتحقق الحلم ويصبح حقيقه زى ما كانت أيامنا زمان
بقلمى

كل ما اكتبه يعبر عنى




كل ما أكتبه هنا ينبع من قلبى وفكرى
فكل ما كتبته بقلمى ويعبر عنى وعما تأثرت بهم
فأنا أعلم أنى لست بكاتبه أو شاعره
ولكن لا أجد غير الورق كى ابث إليه ما بداخلى
لكى أكتب احلامى حتى وأن ظلت أحلام
أشعر بأن كتابتى هى المنفذ الوحيد الذى يعبر عما آراه وأشعر به
ويعبر عما تأثرت بهم من حولى
فأنا دائماً لا أجيد لغه الكلام ولكن أجيد لغه الكتابة
فبعض كتابتى واقتباساتى هى تعبر دائما عنى

أشعر بارتياح شديد عندما أعبر وأكتب وارسم لوحة بالكلمات
حتى وأن لم يفهم البعض كتاباتى ويشعر بها
فيكفينى أن بعض كتاباتى تعبر عنى وتفهم أوراقى ما أقصده
وتعبر عن من تعايشت معهم وتأثرت بهم
هنا حيث أنا ابحث عن حلمى المحال فى كتابتى

"همسه"

لا تنسبوا ما يكتبه البعض اليكم وحاولوا أن تكتبوا بعض مابداخلكم بعفوائيه
سوف يكون أفضل بكثير أن تعبروا عن أنفسكم بأنفسكم ولو بكلمات بسيطه



كل ما أكتبه بقلمى ويعبر عما يجول ببالى وخاطرى


الحب وحكاياته

دا خاين حبيبته..
ودا عاشق اللى هاجراه..
دا ميت في اللى مش واخده بالها من حبه..
لانه محكاش من خوفه تكسر قلبه..
ودا بيكدب عليها انه بيحبها وبيوعد فى غيرها
ودا مجنون بهواها..
بس محتار بأمرها..
وخايف لو طلبها من أهلها يرفضوه..
وإن تركها ضاع أملها
ودي ميته في هواه..
مكسوفه تقوله من خجلها..
دى مسكينه طعنها..
الف طعنه في طهرها..
قدمت كل غالي..
وللأسف..
راح وخذلها
ودا بيدور على حبيبته
اللى سابها من زمان وتخلى عنها
يمكن يلاقيها وترضى تانى  ترجعله
ودى عمرها ماحبت ونفسها تلاقى فارس احلامها
اللى تأمنه على نفسها ويخطف قلبها
واسمع اللى يشكى ويقول مفيش حب فى الزمن دا هو فين!
هو يشكي..
وهى تبكي..
ولا اللى بيحب مرتاح 
ولا اللى محبش مرتاح

شئ غريب مصدفتش مره قصه حب من غير عذاب وليه متكملش وايه سببه !!!

ياريت يكون فى حب زى نقاء قلوب الأطفال 

 

فضفضه

● يتهمونى بأن تصرفاتى كالأطفال ومش عارفه حاجه
ولا عايزه اتعلم ازاى اعامل الناس وواجهه الحياة
مش مدركين ولا عارفين أنى عارفه كل شئ حوليا 

بس بعامل الكل بقلب طفله لأن مش عايزه قلبى 
من تصرفات البنادمين يتملى بالسواد
.....................................




● البعض يقول لى أنتى ظلمتينى, والبعض يقول لى سامحينى
أدركت أنى عندما أظلم هتظلم حتى ولو بدون قصد فهذا دين لابد أن أوفيه


...................................




●البعض يروآنى بأنى ملاك لكن أنا أبسط ما يكون بشر أخطئ وأغضب وأفرح وأحزن
وأندم وأنسى وأسامح لكن ربنا أكرمنى بمحبتكم لى فجعلكم ترونى بأنى ملاك


..................................



● تعلمت أن  مبصش  على اللى عدى وفات
لأنى لو فضلت أفكر فى اللى عدى حيصل حاجه من الاتنين
ياما هفضل واقفه فى مكانى
يأما أموت ناقصه عمر وإيمان با
للى كاتبه ربنا ليا
وعرفت أن لازم مبصش غير اللى انا فيه دلوقتى وبس

وأكون على يقين بأن هو الخير لى
وأكون على يقين  أنها أرادة الله 

وأحاول ساعيه أن أحافظ على  اللى  بملكه 
فكل ما يكرمنا الله به هو الخير لنا
وأتفائل بالله خيرا واشكره على كل حال


......................................


● زمان لما كنت بغلط وأناصغيره كنت أحب دايما أقعد لوحدى 
عشان أحاسبها وأعاقبها
وكنت من كتر حزنى أنام كتير ومأكولش ولا أشرب 

لكن بعد ماكبرت شعرت بإن أخطائى ولا حاجه بالنسبه لأخطاء الآخرين
وعلى رغم كدا بئنب نفسى وضميرى حتى ولو كان خطائى بسيط 

ومايستاهلش أن أحمل نفسى فوق طاقتها


...............................................



● أعلم أنى قد خذلت وخونت ثقه المقربين لى 
ولكن أدرك مدى خطائى وأتمنى من الله أن يغفر لى ويسامحنى
ويجعلنى دائماً عند حسن ظن من أحببتهم وأحبونى 

ولا أخذل أو أخون ثقتهم أبداً ولو كلفنى بذلك عمرى


................................................


● على رغم كل ما يمر بى من محن وأحزان 
الإ أن الله أكرمنى وأعطانى القدره أن أظل مبتسمه 
فى وجوه كل من اعرفهم ومن لا اعرفهم  
فابتسامتى هى التى تخفف عنى ما بداخلى 

واخفى ورائها أحزانى وتشعرنى بالأمل 
بأن هناك الافضل وأن كل ما مريت به هو خيراً لى
فابتسامتى نعمه من الله احمده واشكره عليها


.............................................




الخميس، 3 مارس، 2011

شرود

بداخلى الكثير من الآفكار متزاحمه وشرود عما يجول ببالى هل ما أنا فيه واقع أم حلم أم  كابوس 
أشياءً كثيرة تؤلمنى تدمرنى تجعلنى أصرخ بصمت دون أن أصدر صوت ولا أستطيع  أن أبكى فلقد تحجرت الدموع فى عينى نعم تحجرت من شدة الألم الذى يكاد أن يقتلنى ويعصر ضلوعى أتمنى أن أبكى أن أصرخ بصوت عالى كم يؤلمنى ما أراه وأسمعه دائماً لا أستطيع أن أدافع أو أن أبوح عما بداخلى بالكلام وأجرى الى اوراقى لكى اشكو اليها ما بى أو أبوح لها ما بداخلى سواء فرح أو حزن أشعر بارتياح كبير عندما أكتب أتمنى أن أعيش فى معزلاً عن الناس بين أوراقى أكتب أحلامى وطموحاتى المحاله أو كما يقال لى أنها أحلام ورديه مثاليه لا توجد فى هذا الزمن أحياناً كثيرة عندما اتصادم مع الواقع أشعر أنى جئت بزمن غير زمانى لا أعرف العيب فى من ..؟!
هل العيب فيّ أنا أم فى طبيعة البشر والنفوس التى تغيرت بدائت أشعر أو أفقد الثقه فيماً حولى لا أريد أن أثق أو أصدق أحد فكل الأمور مشوشه أمامى لا أعرف أين هى الحقيقه أريد أن أرى الصدق والحب والأخلاص فى قلوب البشر أريد الآن أن أعامل الجميع بظواهرهم فقط من بعيد لا أريد أن أتغلغل بداخلهم ولا أن اتعامل معهم عن قرب حتى لا اتصدم فى حقيقتهم فدائماً أشعر بمدى سذاجتى وغبائى عندما يتضح لى حقيقه من أعرفهم عن قرب فلماذا دائماً أصدق كل ما يقوله لى هل لانى من طبعى الصدق فى الكلام فأشعر بأن كل من حولى صادقين فى كلامهم وتصرفاتهم ومشاعرهم أعلم أنى بشر أخطى وأرتكب الذنوب فأنا لست ملاك منزل من السماء ولكن بشر ولكن اعلم ان خير التوابين الخطائيين وربنا يغفر جميع الذنوب فهو رحيم بعباده فلماذا لايوجد الآن رحمه فى قلوب البشر....! لماذا دائماً أنسى وأسامح عماً ظلمنى وأساء لى ولكن عندما أخطى بقدر أحد بدون قصد يحاكمونى ويحاسبونى كأنى لا يجب أن أخطى أو كأنى أعلم من حولى جيداً وعلى رغم ذلك أجد نفسى دائماً تلقى ألوم عليا فأنا لا أحمل أخطائى أبداً لاحد مهما كانت بقصد أو بدون قصد وأكتم بداخلى حزنى الشديد وعجزى عن مدافعتى لنفسى حتى ولو وقع عليا ظلم فمنذ صغرى تعودت أن لا ادافع عن نفسى واترك الحكم دائماً لله فهو نعم المولى ونعم النصير ويعلم مابداخلى 
 فحسبى الله لا اله الإ هو عليه توكلت وهو رب العرش العظيم
رحماك بــى يــا اللــهى

       
      

الثلاثاء، 1 مارس، 2011

أسأل نفسى كثيراً هل أنا حقاً طيبة القلب...!

 أسأل نفسى كثيراً هل حقاً أمتلك صفه طيبة القلب...!
كما لقبنى البعض من أصدقائى هل أنا بداخلى براءة ونقاء كما يرآنى البعض...!
فطيبة القلب صفه جميله يمتلكها اغلب الناس من وجهه نظرى وكما أرى من حولى 
فحقاً أنا دائما أحسن الظن بمن حولى لا اغضب من أحد ولا ازعل من أحد كان فى
سبب حزنى فى يوما ما او جرحنى بكلمه اتناسى من يسئ لى ولكن لم انسى
واعفو   واسامح عماً فهمنى غلط أو أخطأ بحقى 
أرى دائما ان الخير موجود فى قلوب البشر وان الشر ضئيل جداً حقيقة الأمر  كنت لا اعرف احكم عما حولى ولا اعرفهم جيدا 
ولكن مع كثرت تجاربى فى الحياة ورغم أنى قابلت الكثير أساء فهم طيبتى واستغلها  استغلال سئ لاستفادته الشخصيه بقدر الامكان 
لان من وجهه نظرهم ان هذه الانسانه طيبة لا تحرج احد ودائما ترى الجميع مثلها    طيبين وتصدق كلامهم ولا تسئ الظن بهم 
ولكن دائماً ما بداخل الانسان يظهر فى الظروف الصعبه ووقت الشده فتعرف حقيقه  من يعرفك هل  لمصلحته ام محبه لك فى الله أم ماذا؟
كثيراً اتصدم فى أناس اعرفهم كنت اضعهم فى مكانه ومرتبه معينه ثم يكشفوا عن 
قناع الزيف فلا يكون امامى غير ان اتناسى ولكن يظلوا محتليين فى قلبى تلك المكانه  ولكن دون ان اظهر لهم هذا لان بقلبى حزن شديد لما فعلوه بى 
فكل من مروا بحياتى علمونى الكثير وجعلونى اتعرف اكثر عن امور لم ادركها وجعلونى حقاً اعرف مدى طيبتى فشكرا لهم فلولا دخولهم حياتى وصدمتى بهم ما كنت تعلمت شئ ولا كنت عرفت معادن الناس وظللت اعامل الجميع بمنطق ان الكل بداخلهم نقاء وطيبين ولكن ازاحو عن عينى غشاوة ان كما هناك المخلصين الاوفياء  هناك ايضا من هم يستغلون طيبتك بأنها سذاجه وغباء
وأسال الله أن يجعل قلبى دائماً ملئ  بالطيبة والنقاء والعفو عند المقدرة والقدرة على  الاعتذار اذا اخطأت بقدر من أساءت لهم فى يوماً ما بدون قصد فلا أحب أن أخطى أو  أقصر فى حق من أحببتهم فى الله دون شئ


الاثنين، 28 فبراير، 2011

ღ ღ ما أروع الحب حين الطــــــهر يرويه.... ღ ღ

ما أروع الحب حين الطــــــهر يرويه....

ღ ღ
حين نمضي في دروب الحياة
نلتقي بأناس نتشاطر معهم
أروع اللحظات نتقاسم الضحكات والإبتسامات
ونسطُر سوياً
أروع الذكريات

تمضي الأيام وتتجدد الأشواق
نفترق ثم نعود

نستشعر ألم الشوق قبل اللقاء
وحُرقة الدموع حين الفراق

وبين البينين فرحة ودمعة
بسمة وجُرح يحتاج إلى دواء
ودعوة ترتفع إلى عنان السماء لتحلق فتعانق تلك الأرواح

و في داخلنا مشاعر أُخرى
مشاعر قد تكون مُلخبطه مُضطربه


مشاعر تأبى الظهور
تبحث في خلجات القلب عن مكان تبيت فيه
ساكنه بلا حركه
صامته بلامنطق

وحين تشتعل نيران الشوق
تلهج الألسن بتلك الدعوات الصادقة التي تحرك تلك السواكن
وتُضفي على تلك المشاعر رونقاً آخر

رونقاً رائعاً لاتعرفه سوى تلك القلوب المحبه بصدق

تلك القلوب التي ملأها
الحب في الله


أحبتْ و أعطتْ

من الكلام أعذبه

ومن الحُبَ أعلى درجاته

ومن الوفاء أعظمه

ومن الحرص والخوف أشده
أحــــــــــــــــــــــــــبة ...
هم كالبلسم الرقراق
وكالماء الفياض
بل كما فجر مبتسم..

حباً سامياً باقياً ببقاء تلك القلوب

فهنيئاً لتلك القلوب

لأنها مهما افترقت سيبقى الوصل بينها بأصدق الدعوات

وتبقى الذكرى الرائعة تُعطّر تلك القلوب
 ღ ღ ღ ღ ღ ღ ღ ღ ღ ღ ღ ღ ღ

لانه حب فى الله فما أسمى وأرق من هذا الحب
لانهم قلوب تريد أن تسمو بالحب الى شئ يرضى الله
فهو حب ولد على محبة الله وفى حب الرحمن


مما راق لى وأن وضعت عليه بعض اللمسات البسيطه

رسالة الى من احب بصدق .. ؟؟

عيش بقلب محب
وابتسم بقلب محب
وسامح بقلب محب
حاول أن تعيش الحب
بكل معانيه الدافئة
وبكل بحوره الواسعة ..
ولا تضيق رحابه ولا تغلق أبوابه
ولا تستنكر أصحابه

فدقيقة واحدة تعيشها وقد صفا قلبك
على كل الناس
وسما فيك الاحساس ..
فهي دقيقة توزن بالذهب ..
ولكلمة حلوة تخرج من لسان محب , وتستقر في قلب محب
لهي أفضل من كل هدايا العالم ..
ولانسان تشعر معه بالصدق .
وتطير معه في رحاب المودة ..

لهو أفضل من كل ملايين البشر ..
وللحظة تحياها روحك تنبض بالخير
لهي لحظة .
تشفيك من كل أمراض
وتبعد عنك الوحدة
وتزرع لك امل جديد
فالحياة أوسع ..

من أن نضيقها بالهموم والدموع..
والقلوب أطهر
من أن نلوثها بالكره والضغينة..
الحب أعظم ..
من أن ندفنه باللوم والعتاب وسوء الظن ..
الحب
ليس بأن نعيش في أحلام الحالمين
وآهات المحبين

فهذا ما عرف من الحب إلا قشوره
ولم يتغلغل في بحوره أو يقرأ سطوره
الحب
أن نعيش الخير بكل مدائنه وموانئه الحب
أن تعيش طاهر القلب
سليم الروح
لا تجرح قلوب المحبين
ولا تتجاهل قلوب الأوفياء المقربين
فهى كنوز وهبها لك رب العالمين

 مما راق لى ولمس قلبى

وأسمى حب هو الحب فى الله





أنــا مــن أكـــون!!!

أنـــا مـــن أكــــون !
كـلــمــا نــظـرتُ فى المرآة إلى نـفـسى
تـخاف عـيـنى مـن النــظـر إليها
وتــسـألـهـا مــن أكــون!

"فتجيب نفسى وتقول:
انتى للأنوثه عنوان


أنــا لـمـا عــنـدمـا تــلـمـح عـيـنى فى الــمـرآة
نـفـسـى تــهـرب مـن أن تـتـغـلل بـداخـلـهـا
وتــسألـهـا:أنـا لـمـا أصـبـحت هـكـذا!



فتجيب نفسى وتقول:
خففى من محاسبة نفسك
فانتى من وهبك ربى عقل رزين

أنــا كـيـف عـنـدمـا تـحـاول عـيـنـى أن تـقـرأ مـا بداخـل نـفـسى
تــــســــألـــــهـــا: كـيـف فــعــلـتى بــنـفـسـك كــل هــذا!

فتجيب نفسى وتقول:
لانك منبع الحنان والعطاء
وقلب للمحبين

أنــا مــتى عــنـدمـا تــرى عـيـنى كـل مـا بــداخـلى
تــــــــســـــألـــهـــا:مــتى فــعلــتى ذلـك بــنــفسـك!
فتجيب نفسى وتقول :
ما فعلتيه هو ليس بيدك بل هو بارادة الله
فهل لكى من اعتراض

أنــا لــمــاذا كــلـمـا نـظـرت ُ فـى الـمـرآة إلى نـفــسى!
تــشــعـر عـيـنى بالرهــبـة مـن نـفــسى
مــن أن تـتــعـمـق بداخـلـهـا ولاتــعرف الخـروج مـنـهـا
وتــــــــســـألــهــا مـــا هـــو الــسـبب ولمـــاذا؟!



فأصــبحــت عـيـنـى خــائـفة عـاجزة
أن تــبـصر وتــرى مــابداخـل نـفــسى
ولاتــعــرفـهـا وتـــســـألــهــا:


أنــا مـــــــن أكــــون !


"فتجيب نفسى فى عزة
بمقوله قرأته وتأثرت بها كثيراً

انت بجمالك أبهى من الشمس
وبأخلاقك أزكى من المسك
وبتواضعك أرفع من البدر,

 وبحنانك أهنأ من الغيث
فحافظي على الجمال بالإيمان...

وعلى الرضا بالقناعة
وعلى العفاف بالحجاب
واعلمي أن حليّك ليس الذهب والفضة والألماس
بل ركعتان في السحر.. وظمأ الهواجر صياماً لله
وصدقة خفية لايدري بها إلا الله.. ودمعة حارة تغسل الخطيئة
وسجدة طويلة على بساط العبودية..وحياء من الله عند داعي الشيطان
فالبسي لباس التقوى ..فأنت أجمل إمرأة في العالم
وارتدي عباءة الحشمة .. فأنت أبهى إنسانة في الكون
وعلى الاسلام تشهدين

وعلى الاخلاق تبدين
هكذا عرفتك وعرفت من تكـــــــــــون انتى
فانظرى فى عينك او عيون المقربين
ستجدى نفسك وان كنتى عنها من الغافلين ....."


ولكن رغم ذلك يبقى بداخلى سؤال
أنا من أكون...!!!
بقلمى وان كنت ادخلت عليها بعض الاقتباسات
اتمنى ان تنال اعجابكم


أتـمنـى أعـود كـمـا كــنت..!!!

أتــمنى أعـــود كمـا كـنت إلى برائــتى ونقــاء قلــبى 
لا أعــلـم كـيف أعــود إلى عــالـمى سـعـيدة 
لا أرى ســوى الحـب والخــير والنــقـاء
لا أعــرف مــلامــح الخوف والهـروب 
أتـمـنى أعــود كبراءة طـفـولــتى فى صفـاء 
أبـتـسـمــاتـى وأفــعـالـى وتـصـرفـاتـى 
لا أفــكـر فـى شـئ ســـوى أن ألــهـو وألــعـب 
لا أرى سوى الأبـتـسـامـة فـى وجــوه الأخــريـن 
ولا أدرك هـل هذه أبـتـسـامـة من الــقلــب أم مـاذا؟!
ســوى أن أفــرح فـقـط لأبـتـسـامـاتهم ولا أعــلـم ماورائـهـا..!!
 أتــمـنى أعــود كـمـا كـنـت لا أعــرف شـئ  

عـن مـعـنى الأحـزان والآلآم 
عـن مـعـنى الحــقـد والـكراهـيـة 
عن مـعـنى الخـوف والــشرود فـى كـل شــئ ومـن كـل شـئ 
فـكـيـف أعــود كــمـا كــنت الإ إذا فــقـدت مــن ذاكــرتـى
كـل مـاهـو سـبب فـى خــوفـى وشــرودى 
 فـهـل أعـتـبـر هـذه أمـنـيـة الـمـسـتـحـيل؟!!
أم هـى أمـل الــعـودة إلى شـئ مـسـتـحـيـل تحـقـيـقـة 
ويـبـقـى الــسـؤال من الـذى جـعـل الــعودة إلى برائـتى حــلــم أنـا أم مـن؟!!...
أم هــى ظــروف وواقــع الـحـياة الــتى نعــيـشـهـا 

أطـفـأت الـبراءة بداخـلنـا
      

         اتمنى تنال اعجابكم ما وصل اليه شرود فكرى